Archive for May 3rd, 2010

Քաղաքագետ Լեւոն Շիրինյանն ու թուրքագետ Արտակ Շաքարյանը այսօր անդրադարձել են Թուրքիայի արտգործնախարար Ահմեդ Դավութօղլուի երեկվա հայտարարությանը, թե Թուրքիան ուզում է, որ բացի Թուրքիա-Հայաստան սահմանից, բացվի սահմանը նաեւ Հայաստանի եւ Ադրբեջանի միջեւ: Ըստ բանախոսների` Թուրքիայի վերջնական նպատակը մեկն է` մեծացնել իր դերակատարումը Հարավային Կովկասում:

Ադրբեջանական իշխանությունը ետ է կանգնում` Թուրքիային որպես միջնորդ ԵԱՀԿ Մինսկի խմբում ընդգրկելու սին երազանքներից. “ԵԱՀԿ Մինսկի խմբի համանախագահների կազմի փոփոխության համար անհրաժեշտ է Ադրբեջանի եւ Հայաստանի համաձայնությունը: Այս դեպքում Հայաստանը դեմ է Թուրքիայի ընդգրկմանը այս կազմում, ինչը նա հնչեցրել է բազմիցս”,-հայտարարել է Ադրբեջանի ԱԳՆ ներկայացուցիչը: